“СЕВИНЧ” БУ ТУРДА “ЛОКОМОТИВ W”НИ ЙИРИК ҲИСОБДА МАҒЛУБ ЭТДИ

Севинч

203 Ўқилди фикр билдирилган

“СЕВИНЧ” БУ ТУРДА “ЛОКОМОТИВ W”НИ ЙИРИК ҲИСОБДА МАҒЛУБ ЭТДИ

Бугун жамоамиз сафарда “Локомотив W” жамоаси билан баҳс юритди. Футболчиларимиз ушбу ўйинда ҳақиқий иродасини намойиш этишди.

Бундай дейишимизга сабаб, кейинги пайтда клубимизда юзага келган молиявий қийинчилик туфайли, жамоамиз узоқ сафарларга ҳам ўйин куни бориб, шу куни клуб қароргоҳига қайтиб келишмоқда. Яъни бугун ҳам эрталаб, Тошкентга сафар уюштирган жамоамиз, ўйиндан олдин манзилга етиб бориб, майдонга тушди. Шундай бўлсада, футболчларимиз ҳақиқий иродасини намойиш қилишиб, ўйинни кўтаринки руҳда ўтказишди ва рақибини йирик 9:0 ҳисобида мағлуб этишди.

Учрашувдаги голларни Нилуфар Қудратова (4та), Гулзода Амирова (3та), Шахноза Қурбонова ва Мафтуна Шойимовалар киритишди.

Гувоҳи бўлганингиздек, тўпурар ҳужумчимиз Нилуфар Қудратова бугун тўрт марта гол уиритиб, яна бир покерни қайд этди. Футболчимизнинг мавсумдаги киритган голларининг сони 36тага етди. Яна бир факт, Нилуфар Қудратова бугун жамоамизнинг мавсумдаги 70-голига ҳам муаллифлик қилди. Яна бир тўпураримиз Гулзода Амирова ҳам яна бир хет-трик муаллифи бўлди. Бу ҳужумчимизнинг урган голлари 22тага етди.

Албатта бу кўрсаткичларга барча футболчиларимизнинг ҳиссалари бор. Чунки, футбол жамоавий ўйин.

Шундай қилиб, “Севинч” яна бир ғалабасини нишонлади ва очколари сонини 34тага етказиб олди. Турнир жадвалидаги пешқадамликни давом эттиради.

Энди жамоамиз 18 июн куни 5-тур қолдирилган учрашувни ўз майдонида Ғузорнинг “Шўртан Lady” жамоасига қарши ўтказади.

XXIV Ўзбекистон чемпионати, 14-тур

“Локомотив W” – “Севинч” 0:9 (0:5)

13.06.2018. ТТЙМИ стадиони, 18:00да

Бош ҳакам: Фарруҳ Янсупов (Тошкент)

Қанот ҳакамлари: Шоҳруҳ Қаюмов (Жиззах), Александра Кончикова (Тошкент)

Захира ҳаками: Ҳасан Набиев (Тошкент).

Назоратчи – Раҳматилло Қоратоев (Тошкент вил.)

Комиссар – Алишер Файзиев.

Голлар: Нилуфар Қудратова, 1’-0:1, 8’-0:2, 13’-0:3, 52’-0:7, Гулзода Амирова, 31’-0:4, 48’-0:6, 78’-0:9, Шахноза Қурбонова, 34’-0:5, Мафтуна Шойимова, 71’-0:8.

“Локомотив W”: 1.Камила Юмангулова, 8.Дилдора Эргашева, 11.Хуршида Жуманова, 17.Омадхон Султанова, 19.Зуҳра Бердиева (28.Ойсара Суюнова, 46), 20.Камола Бердиева, 22.Шахризода Зайнитдинова, 27.Сарвиноз Раҳматова (15.Жасмина Абдуғаниева, 46), 33.Илвина Камалиева, 77.Ситора Муқумова (24.Сабина Жумаева, 46), 88.Динара Худайназарова.

Захира: 9.Моҳинур Ҳусанова, 30.Нодира Муйдинова, 31.Мафтуна Жўраева.

“Севинч”: 16.Мафтуна Жонимқулова (1.Лайло Тилавова, 45), 7.Олия Ахмедова (с) (18.Шахноза Шакирова, 45), 8.Лайло Шодиева, 9.Мафтуна Шойимова, 10.Гулҳаё Маннабоева (19.Сўғдиёна Алламуродова, 56), 14.Гулзода Амирова, 15.Шахноза Қурбонова 17.Танзиля Зарбиева, 27.Шодия Тошева (13.Лайло Тошева, 45), 37.Малика Бурхонова, 77.Нилуфар Қудратова.

Захира: 6.Феруза Бобохўжаева, 20.Севара Нормуродова, 23.Мафтуна Панжиева.