“Насаф”нинг финалларда кўп ўйнаган футболчилари

Ўзингизга маълум, “Насаф” жамоаси ўз тарихида илк марта 2003 йили Ўзбекистон кубоги финалида иштирок этган.

2011, 2012 ва 2013 йиллар қаторасига уч марта финал учрашувида майдонга тушган. 2015 йилги  финал эса, жамоамиз учун омадли бўлди ва кубокни қўлга киритди.

Демак, “Насаф” жамоаси шу пайтгача беш марта Ўзбекистон Кубоги финалида иштирок этган. Навбатдагиси олтинчи финал ҳисобланади.

Жамоамиз иштирокидаги бўлиб ўтган финал учрашувларини таҳлил қилсак, айни пайтда жамоамиз таркибида фаолият юритаётган тўққиз нафар футболчимиз камида бир мартадан финал учрашувида майдонга тушганини кўрамиз. Икки нафар ўйинчимиз эса, финал учрашувларида энг кўп майдонга тушган ўйинчиларимиз ҳисобланишади. Булар, Мақсуд Каримов ва Фарруҳ Сайфиевлардир. Жамоамиз дарвозабонлари ичида шубҳасиз, Элдорбек Суюнов финалда ўйнаш бўйича рекордчи ҳисобланади. Бўлиб ўтган финал учрашувларида ҳали бирон бир дарвозабонимиз икки марта майдонга тушмаган.

Қуйида жамоамиз таркибида кубок финалларида майдонга тушган футболчилар билан танишинг.

Мақсуд Каримов -2011, 2012, 2015

Фарруҳ Сайфиев – 2012, 2013, 2015

Элдорбек Суюнов – 2013, 2015

Шерзод Аъзамов – 2013, 2015

Азамат Алланиёзов – 2013, 2015

Фозил Мусаев – 2012

Баҳром Абдураҳимов – 2015

Шуҳрат Муҳаммадиев – 2015

Одилжон Ҳамробеков – 2015

Жамоамиз иштирокидаги навбатдаги кубок финалида кўплаб футболчиларимиз дебют қилишлари кутилмоқда. Масалан, Игорь Голбан, Огнен Красич, Драган Черан ва бошқалар.

Эслатиб ўтамиз, Ўзбекистон кубоги – 2016 финал учрашуви 30 ноябр чоршанба куни Самарқанд шаҳридаги “Динамо” стадионида соат 13:00да бошланади.

Манба: fcnasaf.uz

Javob berish