Ўзбекистон биринчилиги-2016. Бугун “Насаф-2“-“Хоразм” учрашуви бўлади

XXV Ўзбекистон биринчилигида иштирок этаётган, Нурали Султонов мураббийлигидаги “Насаф-2” жамоамиз навбатдаги учинчи ва тўртинчи тур учрашувларини ўз майдонида ўтказади.

 Хабарингиз бор, Ўзбекистон биринчилиги 3-тур учрашувлари 13 апрелдан старт олди. Жамоамиз ушбу турда Урганч шаҳрининг “Хоразм” жамоасини қабул қилади. Учрашув 17 апрел якшанба куни “Насаф” футбол клубининг сунъий майдонида бўлиб ўтади. Ушбу учрашув бошланиши олдидан мавсумни танатанали очилиш маросими ҳам ўтказилади. Учрашув эса 16:00да бошланади.
4-турда эса жамоамиз Нукуснинг “Орол” жамоасини қабул қилади. Бу учрашув 20 апрел чоршанба кунига белгиланган.
Ўзларингизга маълум,  “Насаф-2” жамоамиз ўтган икки турда мағлубиятга учраган. 1-турда Хаккулободнинг “Норин” жамоаси меҳмони бўлган “ёш аждарлар” 2:0 ҳисобида мағлуб бўлишди. 2-турда Андижоннинг “Уз-Донг-Жу” жамоасига эса 2:1 ҳисобида имкониятни бой беришди. Учрашувдаги “Насаф-2”нинг ягона голига, яқинда “Машъал” ўринбосарларидан жамоамиз сафига келиб қўшилган ҳужумчи Аслиддин Абдиев муаллифлик қилди.
Бугунги учрашувни Анотолий Рубаков бошқаради. Унга қанотларда Сардор Ҳакимов, Александр Буровлар ёрдам беришади.
Ҳакамлар ишини Олег Дачев назорат қилиб боради.
XXV Ўзбекистон биринчилиги 3-тур. 17.04.2016 й.
“Насаф-2” (Қарши) – “Хоразм” (Урганч)
“Насаф” ФМ сунъий майдони. Соат 16:00да
Бош ҳакам: Анотолий Рубаков (Тошкент)
Ҳакамлар: Сардор Ҳакимов (Самарқанд), Александр Буров (Бухоро)
Назоратчи: Олег Дачев (Тошкент).
Нурали Султонов бошчилигидаги “Насаф-2” жамоамизга  бугунги учрашувда омад ва зафарлар тилаб қоламиз.
Барча футбол ишиқбозларини стадионимизга ташриф буюришиб, ушбу қизиқарли учрашувни томоша қилишларини таклиф этиб қоламиз.

Манба: fcnasaf.uz

Javob berish